L-Għaqda Wirjiet San Ġużepp Ħaddiem twaqqfet fis-sena 1999 bil-għan li tieħu ħsieb l-organizzazzjoni ta’ wirjiet f’isem il-Parroċċa.
Din l-għaqda torganizza żewġ wirjiet prinċipali fiċ-Ċentru Parrokkjali fuq bażi annwali: wirja fi żmien il-Ġimgħa Mqaddsa u oħra fi żmien il-Milied.Dawn iż-żewġ wirjiet kibru mmens f’dawn l-aħħar snin u ta’ kull sena saru jattiraw numru kbir ta’ nies.Għaldaqstant, ħafna mill-enerġija tal-membri tkun iddedikata lejn dawn iż-żewġ wirjiet.
Barra minn hekk, l-Għaqda Wirjiet tieħu ħsieb ukoll ittella’ wirjiet oħra f’okkażjonijiet speċjali għall-Parroċċa. Fost dawn tellgħet wirja ta’ statwi titulari fis-sena 2008 u oħra fuq skala nazzjonali dwar San Ġużepp, fl-okkażjoni tal-35 u 40 Anniversarju mit-twaqqif tal-Parroċċa rispettivament. L-Għaqda Wirjiet ġieli torganizza wkoll wirjiet oħra b’temi differenti, waqt attivitajiet organizzati mill-Kunsill Lokali ta’ Birkirkara.
Minbarra l-wirjiet, il-membri ta’ din l-għaqda jagħtu sehemhom b’mod kostanti fl-attivitajiet tal-Parroċċa, b’mod speċjali fl-armar u manutenzjoni taċ-Ċentru Parrokkjali.Matul is-sena l-membri jiltaqgħu ta’ kuljum fiċ-Ċentru Parrokkjali biex jippreparaw armar ġdid għall-wirjiet li jkunu ġejjin, kif ukoll biex jiġi restawrat armar eżistenti.Sa mill-jiem bikrin ta’ kull sena, grupp ta’ membri jibdew iħejju wkoll ix-xogħol bis-smid, ross u għaġin għall-Wirja tal-Ġimgħa Mqaddsa li tkun ġejja.
Lista ta’ Membri:
- Is-Sur Vincent Mifsud (Chairman)
- Is-Sur Clayton J. Mifsud (Segretarju)
- Is-Sur Kenneth Cassar
- Is-Sur Brandon Calleja
- Is-Sur Paul Ellul
- Is-Sur Kevin Pace
- Is-Sur Mannes Pace
- Is-Sur Michael Taliana
- Is-Sur Roderick Taliana
- Is-Sur Joe Valletta
- Is-Sur Jesmond Parnis
- Is-Sur Kevin Xuereb
- Is-Sur Ivan Zammit
Contact Person:
- Is-Sur Vincent Mifsud
- is-Sur Clayton J. Mifsud
Email: [email protected]
